Ռուսաստանի Նովոսիբիրսկ քաղաքի 123-ամյակի կապակցությամբ քաղաքապետ Անատոլի Լոկոտի հրավերով Երևանի պատվիրակությունը Նոր Նորք վարչական շրջանի ղեկավար Արմեն Ուլիխանյանի գլխավորությամբ աշխատանքային այցով հյուրընկալվել է Նովոսիբիրսկ քաղաքում: Տոնական միջոցառումներին զուգահեռ կազմակերպվել են աշխատանքային կարևոր հանդիպումներ և քննարկումներ: Նոր Նորք վարչական շրջանի ղեկավար Արմեն Ուլիխանյանը Նովոսիբիրսկի քաղաքապետարանի մեծ դահլիճում կայացած համաժողովի ընթացքում Երևանի քաղաքապետի անունից շնորհավորել է քաղաքային իշխանության ներկայացուցիչներին և բազմահազարանոց բնակչությանը Նովոսիբիրսկ քաղաքի օրվա առթիվ: Նոր Նորք վարչական շրջանի ղեկավար Արմեն Ուլիխանյանը և Նովոսիբիրսկի քաղաքապետ Անատոլի Լոկոտը քննարկել են հետագա համագործակցությանն առնչվող մի շարք հարցեր, մասնավորապես՝ Էրեբունի-Երևան 2798 միջոցառման համատեքստում Նովոսիբիրսկի Կենտրոն և Երևանի Նոր Նորք վարչական շրջանների միջև համագործակցության հուշագիր ստորագրելու վերաբերյալ։ Նկարները՝ այստեղ |