Հունիսի 30-ին Նոր Նորք վարչական շրջանի Հ. Դանիելյանի անվան արվեստի դպրոցում հանդիսավորությամբ նշվել է դպրոցի դաշնամուրային բաժնի վարիչ Ինեսա Հախնազարյանի ծննդյան 70 և ստեղծագործական գործունեության 50-ամյակները: Հոբելյանական հանդիսությունը մեկնարկել է Նոր Նորքի Սուրբ Աստվածածին եկեղեցու հոգևոր հովիվ Տեր Նշան քահանա Ալավերդյանի օրհնությամբ: Այնուհետև վաստակավոր մանկավարժին շնորհավորել են նրա՝ տարբեր տարիների շրջանավարտները, գործընկերներն ու բարեկամները: Արգասավոր գործունեության, սերունդների գեղագիտական դաստիարակության գործում ունեցած ավանդի համար Նոր Նորք վարչական շրջանի ղեկավար Արմեն Ուլիխանյանի անունից աշխատակազմի կրթության, մշակույթի և սպորտի բաժնի ներկայացուցիչները մանկավարժին պարգևատրել են պատվոգրով: Տոնական երեկույթն ուղեկցվել է անակնկալներով ու հիշարժան պահերով: Նկարները` այստեղ |