![](https://mamul.am/images/pics/bvoghvoqi-aliq-hamac-u15059-1.jpg)
ԱՀԱԶԱՆԳ ԱՌՈՂՋ ՈՒԺԵՐԻՆ (ՏԱՐԱԾԵԼ) Մենք` համացանցի օգտատերերս, համացանցը դիտարկում ենք ոչ միայն ժամանցով և հետաքրքրաշարժ տեղեկություններով զբաղվելու միջոց, այլ նաև կարևոր մի հարթակ, որտեղ մենք ներկայացնում ենք մեր երկրի, մեր ժողովրադի և մեր ազգային և հոգևոր շահերը և ահազանգում դրանց հանդեպ ուղղված որևէ ոտնձգության դեմ: Այս տեսանկյունից մեզ համար բացարձակապես անընդունելի են համացանցով տարածված բոլոր այն հարձակումները, որոնք ուղղված են մեր հայրենիքի և հավատքի կարևոր խորհրդանիշներին` Մայր Աթոռ Սուրբ Էջմիածնին և Վեհափառ Հայրապետին: Եթե եկեղեցու թշնամիների ու աղանդավորական կազմակերպությունունների նենգ նկրտումները ինչ-որ առոմով հասկանալի են` ապա որևիցէ կերպով անհասկանալի են մեր եկեղեցու բարձրաստիճան հոգևորականության` ընդհուպ մինչև Երուսաղեմի Հայոց պատրիարքի հանգամանքը կրող եկեղեցեկանի հայտարարություններն ու պահվածքը: Մենք, որպես մեր երկրի և մեր եկեղեցու ապագայով մտահոգված հավատացյալ հայորդիներ` կոչ ենք ուղղում մեր հայրենիքի և հայրենի սրբությունների հեղինակության անաղարտ պահպանությամբ մտահոգ բոլոր առողջ ուժերին` միանալու մեր սույն բողոքի ակցիային և թույլ չտալու որևէ ոտնձգություն մեր սրբությունների նկատմամբ: |