Մարտի 18-ին, Ռումինիայի մայրաքաղաք Բուխարեստում, Ռումին Ուղղափառ եկեղեցու պատրիարքարանում, Ռումինիայի Հայոց թեմի առաջնորդ՝ Տ. Տաթև եպս. Հակոբյանը հանդիպում ունեցավ Ռումին Ուղղափառ եկեղեցու պատրիարքական փոխանորդ Վառլամ արքեպիսկոպոսի հետ: Հանդիպման նպատակը ռումինահայ համայնքում ցեղասպանության 100-ամյակին ընդառաջ իրականացվող աշխատանքների քննարկումն էր եւ Ռումին Ուղղափառ եկեղեցու աջակցությունը եւ օգնությունը վերոնշյալ միջոցառումը կյանքի կոչելու համար: Հանդիպմանը ներկա էին Ռումինիայի Հայոց թեմի առաջնորդ՝ Տ.Տաթեւ եպս. Հակոբյանը, Բուխարեստ եւ Պիտեշտ քաղաքների հոգևոր հովիվներ Տ. Եզրաս քահանա Բոգդանը և Տ. Հեթում քահանա Թարվերդյանը: |