ՌՈՒՄԻՆԻԱՅԻ ՀԱՅ ՀԱՄԱՅՆՔԸ. Թվաքանակը և աշխարհագրական սփռվածությունը Ռումինիայում հայկական արմատներով բնակչության թիվը շուրջ 7500-10.000 է, որոնցից շուրջ 5000-ը հայկական ծագման մասին հիշողությունը վառ պահած տրանսիլվանահայության ձուլված շառավիղներ են։ Հայերը կենտրոնացած են հիմնականում մայրաքաղաք Բուխարեստում, Կոնստանցա և Պիտեշտ քա ղաք - ներում, հայաբնակ են նաև Սուչավա, Յաշ, Պիտեշտ, Տրան սիլ - վանիայի Գեռլա, Գեորգե և Դումբրավե քաղաքները։ Ներկայում հայերի թիվը Ռումինիայում նվազման միտում ունի, քանի որ հայ երիտասարդները մեծ մասամբ տեղափոխվում են Արևմտյան Եվրոպայի երկրներ։ Պատմական ակնարկ Ռումինահայությունն Արևելյան Եվրոպայի հնագույն պատմություն ունեցող և մինչ այժմ դիմագիծը պահպանող հայկական համայնքներից է։ Ներկայիս Ռումինիայի տարածքում հայերի ներկայության պատմությունը սկսվում է դեռևս 5-12-րդ դարերից, թեև երկրում հայերի հաստատման պաշտոնական տարեթիվը համարվում է 1350թ., երբ Բոտոշան քաղաքում հիմնվել է առաջին հայկական եկեղեցին։ Բացի այդ, նույն ժամա - նակաշրջանում հայերը ևս 2 քարաշեն եկեղեցիներ են կառուցել Ռոման և Յաշ (Յասսի) քաղաքներում։ Տարբեր ժամանակներում հայե րի ստվար խմբեր բնակվել են նաև Կլուժ-Նապոկա, Կոնս - տանցա, Սուչավա, Ֆոքշան և այլ քաղաքներում՝ հիմնականում Ռումինիայի Վալախիա և Մոլդովա գավառներում։ 17-րդ դարում ռումինաբնակ հայերի մեծ մասը հաստատվել է երկրի արևմտյան Տրանսիլվանիա գավառում, որը հետագայում անցել է Ավստրո- Հունգարիայի տիրապետության տակ, և հայերն արագ կաթո լի - կացել են։ Հայերը Ռումինիայի տարածքում խոսել են հայոց լեզվի բարբառներից մեկով՝ Առդեալի բարբառով։ Հայ բնակիչները դարերի ընթացքում Ռումինիայի տարածքում ստեղծել են իրենց բանահյուսությունը, երգն ու պարը (օրինակ՝ արմենեասկ պարը) 1: Տրանսիլվանահայության մեծ մասը հետագայում, երբ Տրանսիլ - վա նիան անցել է Ռումինիային, տեղափոխվել է Հունգարիա։ Մոտավոր հաշվարկներով միջնադարում հայ բնակչության թիվը հասել է շուրջ 30, իսկ 1922թ.` 25 հազարի։ Այս ստվար բնակության վկայություն են դարձել բազմաթիվ հայկական տեղ - անուն ները, հայկական թաղամասերի ու փողոցների առկայու - թյունը։ 15-17-րդ դարերում Ռումինիայի ներքին և արտաքին առևտուրը զգալի չափով կենտրոնացած է եղել հայերի ձեռքում, հայերը խթանել են արհեստների զարգացումը, մեծ ներդրում ունեցել նաև երկրի քաղաքական, ռազմական, մշակութային կյանքում, շարունակ հիմնել են բազմաթիվ գործարաններ (մեծ մասամբ՝ կտորեղենի և սննդեղենի), բացել վաճառատներ, կա - ռուցել եկեղեցիներ, դպրոցներ։ 16-րդ դարում Մոլդովայի հոսպոդար (մեծ իշխան) է եղել ականավոր քաղաքական գործիչ Յոն Քաջը՝ հայտնի նաև որպես Յոն Արմյանուլ՝ Հայ, որին ժո - ղովուրդը կոչել է «Մոլդովայի հայր»: Իսկ 17-րդ դարում Ռու - մինիայի արտաքին քաղաքականության մեջ մեծ դերակատարում է ունեցել Պետրոս Գրիգորովիչը (Պետեր Արմին): Նա եղել է Ռումինիայի իշխան Միհայ Վիտյազուլի (1593-1601) դեսպանը և խորհրդականը, տարբեր դիվանագիտական հանձնարա րու - թյուններ է կատարել Ավստրիայում, Ռուսիայում և Կ.Պոլսում: Մեկ այլ ականավոր դիվանագետ է եղել Մոլդովայի իշխան, պետական խորհրդական Մանուկ բեյը (Միրզայան), որը 19-րդ դարի սկզբին մեծ ծառայություններ է մատուցել բալկանյան քաղաքների տնտեսական զարգացմանը: Մոլդովայի լուսավորիչ է հռչակվել հայ հոգևորականի որդի Գեորգե Ասաքին, որը 19-րդ դարի սկզբին ռումինական և մոլդովական գրականության մեջ նոր դարագլուխ է բացել իր բանաստեղծություններով և պատմական նովելներով։ Ռումինիայի հանրային և մշակութային կյանքում նշանակալի է եղել հայ ազնվական ընտանիքների` Գոյլավ (Կոյլավյան), Բուիկլիու (Պըյըգլյան), Միսիր (Միսիրյան) ներկայացուցիչների ներդրումը։ 19-րդ դարի Ռումինիայի այլ ականավոր հայերից են նաև ռումինական փիլիսոփայության հիմնադիրներից Վասիլե Կոնտան (Կոնտայան), գրող Կարապետ Իբրըիլեանուն, նկարիչ Թեոդոր Ամանը, աստղագետ, մաթեմատիկոս Սպիրու Հարետը և այլք։ Տնտեսագետ, պետական գործիչ Գրեգորի Տրանկու-Յաշը հիմնադրել և նախագահել է Ռումինիայի աշխատանքի նախարարությունը։ Իսկ արվեստաբան Գրիգոր Զամպաքճյանը գնել է կերպարվեստի բազմաթիվ գործեր և Բուխարեստում հիմնել իր անունով թանգարան, որը գործում է մինչ այժմ և քաղաքի այցեքարտերից մեկն է: 19-րդ դարում Ռումինիայի հայ գաղթավայրում գործել են մի շարք հասարակական կազմակերպություններ: Բուխարեստում կազմակերպված միություններից կարելի է հիշել «Արարատյան ընկերությունը» ՝ 1838թ., «Արարատ» ուսումնասիրաց ընկերու - թյունը՝ 1843թ., «Հայրենասիրաց» ընկերությունը՝ 1887թ., Սուչա - վայում՝ «Անի» ընկերությունը, Կոնստանցայում «Արաքս» գրա դարանային ընկերությունը և այլն: 20-րդ դարում կրկին ստվարացել են ռումինահայության շարքերը՝ Մեծ եղեռնից փրկվածների հաշվին։ 1915թ. Բուխարեստում կառուցվել է հայկական Սուրբ Հրեշտակապետաց եկեղեցին, որը Էջմիածնի Մայր աթոռի փոքրացված կրկնօրինակն է։ 1927թ. ռումինահայոց թեմի առաջնորդարանին առընթեր հիմնադրվել է Ռումինահայ կենտրոնական մատենադարան- գրադարան ու թանգարան: 1944թ. գրական-հասարակական գործիչ Հակոբ Սիրունու նախաձեռնությամբ մատենադարանը վերակազմավորվել և կոչվել է Հայ մշակույթի տուն, որը հայկական դպրոցի շենքից տեղափոխվել է ռումինահայ բարերարներ Հովսեփ և Վիկտորյա Տուտյանների նվիրատ վու - թյամբ հատկացված հատուկ կառուցված շինություն՝ հայկական եկեղեցու տարածքում: Գրադարանը բավական հարուստ է հայերեն, ռումիներեն և օտար լեզուներով գրականությամբ, ինչպես նաև հին հայկական ձեռագրերի օրինակներով։ Թան - գարանը ևս հարուստ է հնագույն թանկարժեք նմուշներով։ Այստեղ է պահվում նաև Մոլդովայի իշխան Ալեքսանդր Բարեպաշտի 1401թ. հրովարտակը, որով արտոնվել է հայերին հիմնադրել Ռումինիայում առաջին` Սուչավայի հայոց թեմը: Բացի Տուտյան մշակույթի տնից, Բուխարեստի հայկական եկեղեցու տարածքում են գտնվում նաև Միսաքյան-Քեսիմյան 7-ամյա վարժարանի շենքը, Շահիմ գերդաստանի հիշատակի աղբյուրը, ազգային հերոս Անդրանիկ Օզանյանի կիսանդրին, Եղեռնի 90-ամյակին նվիրված խաչքարը և այլն: Սիրով՝ Տ.Հեթում քհն. Թարվերդյան |