Արվեստը կատարյալին հասնելու ճանապարհն է, որով քայլողը դառնում է նրա հավերժ գերին ու սիրահարը: Նոր Նորքում բնակվող արվեստագետների երկսերունդ դինաստիաներին բացահայտելու և հանրությանը ներկայացնելու նպատակով վարչական շրջանում մեկնարկեց ճանաչողական մի նախագիծ, որի առաջին հերոսը շատերի կողմից սիրված և ճանաչված Սերխաչն է՝ իր արվեստագետ 3 որդիների հետ միասին: Մեր ստեղծագործական խումբը հյուրընկալվեց նկարչի արվեստանոցում, որը մի յուրօինակ հեքիաթի աշխարհ էր՝ գույների ու բովանդակության կատարյալ ներդաշնակությամբ: Նոր Նորք վարչական շրջանում ծավալած արգասավոր գործունեության և արդի հայ գեղանկարչության զարգացման ոլորտում ունեցած ավանդի համար Սերգեյ Խաչատրյանը (Սերխաչ) Նոր Նորք վարչական շրջանի ղեկավար Արմեն Ուլիխանյանի անունից պարգևատրվեց պատվոգրով: Արվեստագետին իրենց շնորհավորանքի և բարեմաղթանքի խոսքերն ուղղեցին նաև արվեստագետին հյուրընկալված Նորնորքեցի մտավորականներն ու արվեստագետները, Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի պետը, Նոր Նորքի կենտրոնական գրադարանի տնօրենը և այլոք: ՍԵՐԽԱՉ կեղծանունին հավատարիմ՝ սիրո և հավատքի զորավոր ուժով են ծնունդ առնում նկարչի բացառիկ կտավները՝ հարստացնելով հայ գեղանկարչության պատկերադարանը: Նկարները՝ այստեղ |