Սուրբ Աստվածածնի Վերափոխման տոնի` Խաղողօրհնեքի կապակցությամբ Մայր Աթոռ Ս. էջմիածնի Քրիստոնեական Դաստիարակության Կենտրոնի և Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի համատեղ նախաձեռնությամբ Նոր Նորքի Սուրբ Աստվածածին եկեղեցում կազմակերպվել էր ուշագրավ միջոցառում՝ Նոր Նորքի առաջին, երկրորդ և երրորդ զանգվածների մանկապարտեզների երեխաների, մանկավարժների և ծնողների մասնակցությամբ: ՔԴԿ Նոր Նորքի պատասխանատու Լիանա Առաքելյանի կողմից միջոցառման մասնակիցներին ներկայացվեց տոնի խորհուրդը, որին զուգահեռ երաժշտական կատարումներով ներկաներին ողջունեցին Նոր Նորքի մշակույթի կենտրոնի շնորհալի սաները: Սուրբ Աստվածածին եկեղեցում Տեր Նշան քահանա Ալավերդյանը կատարեց երեխաների, ապա՝ խաղողի օրհնության կարգ, որին հաջորդեց թեմատիկ կավճանկարչությունը: Երեխաները ճաշակեցին օրհնված պտուղը, իսկ տոնի կապակցությամբ Արարատյան Հայրապետական թեմի կողմից երեխաներին բաժանվեցին խորհրդանշական նվերներ: Նկարները՝ այստեղ |