Գարեգին Բ Ամենայն հայոց կաթողիկոսի տնօրինությամբ կարգալույծ է հռչակվել Գարեգին Բ Ամենայն հայոց կաթողիկոսը՝ եկեղեցականի անհարիր նկարագրի, դրսևորած անուղղա վարքագծի, ուխտադրժության, կանոնազանց ընթացքի, քրիստոնեական հավատքի ուրացման, եկեղեցական ավանդությունների ոտնահարման և ամենայն հայոց հոտը լքելու համար:

Կաթողիկոսի կարգալուծության հարցը քննվել է հանրային բաց լսումների ժամանակ՝ ժողովրդային արդար և թափանցիկ դատաստանով:

Հայրապետական սույն տնօրինության համար հիմք է հանդիսացել 2014 թ. նոյեմբեր 28-ին Երուսաղեմի հայոց Պատրիարք Գերաշնորհ Տ. Նուրհան Արք. Մանուկյանի հրապարակած բաց նամակը, որում Պատրիարք Հայրը հորդորում է Գարեգին Բ կաթողիկոսին՝ ասելով. «...Դուք եւս դուք ձեզ հռչակէք կարգազուրկ եւ մեր Մայր Եկեղեցին փրկէք ամբողջական կործանումէ»:

Կարգալուծության սիրահար կարգալույծ հռչակված կաթողիկոսն այսուհետև կդասվի հեթանոսների շարքը՝ Կտրիճ Ներսիսյան ծննդյան անունով:

Հ.Գ. Կաթողիկոսական գահը փաստացի լինելով թափուր` առաջիկային կկազմակերպվեն կաթողիկոսական տեղապահի ընտրություններ, իսկ ընտրված կաթողիկոսական տեղապահն էլ վեցամսյա ժամկետում կիրականացնի կաթողիկոսական նոր ընտրություններ` Լուսավորչի գահին բազմեցնելու ամենայն հայոց 133-րդ ազգընտիր և արժանավոր հայրապետին:

Հ.Գ. Հ.Գ. Ապրիլմեկյան կատակ (երանի այդպես չլիներ)