Երևանում իրենց ամառային հանգիստն անցկացնող հազարավոր երեխաների առօրյան հետաքրքիր, բովանդակալից ու հիշարժան դարձնելու համար Երևանի քաղաքապետ Տարոն Մարգարյանի նախաձեռնությամբ այս տարի ևս բոլոր վարչական շրջաններում իրականացվում է «Բակային ճամբար» ծրագիրը: Նոր Նորքում նախապես մշակված օրակարգի համաձայն վարչական շրջանի տարբեր հասցեներում ճամբարային առօրյան աշխույժ ընթացքի մեջ է՝ հստակեցված մանկավարժական կազմով, տարաբնույթ ուսումնամարզական և կրթամշակութային ծրագրերով: Ճամբարականների օրն առավել բովանդակալից և հետաքրքիր դարձնելու նպատակով երեխաներին ամենօրյա սննդի հետ մեկտեղ բաժանվել են խաղեր և գրենական պիտույքներ: Յուրաքանչյուր ջոկատ թեմատիկ հետաքրքիր լուծումներով ձևավորել է իրեն հատկացված տարածքը, որոշել անուն և նշանաբան: Ամառային ճամբարն առավել հիշարժան դարձնելու նպատակով կազմակերպվում են նաև ժամանցային միջոցառումներ՝ մշակութային հագեցած մթնոլորտով, մանկական շոու-ծրագրերով: «Բակային ճամբար» ծրագրի ընթացքն ու միջոցառումները գտնվում են Նոր Նորք վարչական շրջանի ղեկավար Արմեն Ուլիխանյանի և համապատասխան ստորաբաժանումների ներկայացուցիչների անմիջական հսկողության ներքո: «Բակային ճամբար» ծրագիրը նորնորքեցի հարյուրավոր փոքրիկներին ամառային հաճելի հանգիստ անցկացնելու և ինքնադրսևորվելու հնարավորություն է տալիս՝ վերածվելով հաճելի հուշերով ու անմոռաց ակնթարթներով լեցուն գեղեցիկ հիշողության:
Նկարները` այստեղ