ԱԺ արտահերթ ընտրությունների նախընտրական քարոզարշավն ամփոփեցինք Հրազդանի տարածաշրջանի մի շարք գյուղերում և մեքենաներով իրազեկման երթ իրականացրեցինք Ծաղկաձոր, Հրազդան և Նոր Հաճն քաղաքներում: Նոր Հաճնում հանդիպում և զրույց ունեցա նաև «Անդրանիկ» և «Դայմոթեք» ադամանդի արտադրության ձեռնարկությունների աշխատակիցների հետ:

Ինքս քայլել եմ քաղաքներում և գյուղերում, անհատապես զրուցել մարդկանց հետ, որոշ խնդիրների շուրջ նույնիսկ հասցրել ենք բովանդակային քննարկումներ ունենալ: Բոլոր համայնքներում, որտեղ եղա այս օրերին, կարևոր եմ համարել ընդգծել, որ մեր քաղաքական թիմը չի խոստանում ասֆալտապատում, բարեգործություն, կառուցապատում.... մենք խոստանում ենք միայն անել ամեն ինչ, որ լինի իրավունքի գերակայություն և օրինականություն ամեն տեղ և բոլորի համար: Միայն այս դեպքում հնարավոր կլինի ազգային բարիքները, հանրային ու պետական ռեսուրսները ծառայեցնել երկրի զարգացմանն ու հզորացմանը: