Լիքը սեր ու ջերմություն իրենց հետ բերած Եվա Եգանյանն ու Զարեհ Թևանը լսարանի դատին հանձնեցին նոր ստեղծագործություն, որը կոչվում է «Առանց սիրո» ։ Սեր ավետող երգիչները ներկայացրեցին ամերիկաբնակ Ռուբեն Թելունցի ստեղծագործությունն իրենց մեկնաբանմամբ։ Երեք տարի առաջ ստացած առաջարկի կողքով անտարբեր չանցավ ո՛չ ժողովրդական երգչուհի Եվա Եգանյանը, ո՛չ էլ երգահան Զարեհ Թևանը։ Հատուկ այդ օրը Հայաստան էին ժամանել Զարեհ Թևանն ու երգի հեղինակը՝ Ռուբեն Թելունցը։ Ներկաների հիացական հայացքներից արդեն պարզ էր, որ երգը ստացված էր ու սիրված։ «Առանց սիրո» երգի պրեմիերային ողջույնի ելույթով ներկայացան նաև Վահե Քոչարը, Քրիստ Մանարյանը, ինչպես նաև տպավորություններով կիսվեցին Արա Գևորգյանը, Գայանե Հովհաննիսյանն ու այլ անվանի արտիստներ։ Օրը ջերմ էր, տպավորիչ և ողողված սիրով, և սա ևս մեկ անգամ ապացույց էր, որ առանց սիրո աշխարհը փուչ է։ Նյութը պատրաստեց ՝ Աննե Մարին |