Նախորդ շաբաթվա ընթացքում տեղեկություններ էին տարածվել, որ Բունդեսլիգայի մի շարք ակումբներ հետաքրքրություն են ցուցաբերում Հայաստանի հավաքականի և «Սպարտակի» հարձակվող Յուրա Մովսիսյանի ծառայություններով: Transfermarkt.de հայտնի մարզական կայքը պնդում է, որ հայ ռմբարկուն հետաքրքրել է «Վոլֆսբուրգին»: Գերմանական ակումբի հարձակման գծում հանդես են գալիս Շտեֆան Կուչկեն և Իվիցա Օլիչը, իսկ թիմի լավագույն ռմբարկու Բաս Դոստը հունվարին լուրջ վնասվածք է ստացել և կկարողանա խաղադաշտ դուրս գալ միայն Բունդեսլիգայի երկրորդ հատվածում: Ներկայումս «Վոլֆսբուրգը» 11 գոլ է խփել Բունդեսլիգայի ընթացիկ խաղարկությունում և այդ ցուցանիշն առաջնության ամենավատ արդյունքներից է: |