USD 402.56, EUR 440.64, RUB 4.58, GBP 505.01
+10 °C, +9 °C ... +21 °C Yarın:+22 °C
+10 °C, +9 °C ... +21 °C Yarın:+22 °C
Կաթոլիկ ուխտավորների այցը Մայր Աթոռ Սուրբ Էջմիածին
13:16, 24.04.2014
2215 | 0
Ապրիլի 23-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն ընդունեց մի խումբ կաթոլիկ ուխտավորների` գլխավորությամբ Միլանի Կաթոլիկ Եկեղեցու առաջնորդարանի իսլամի հետ երկխոսության հարցերով պատասխանատու Դոն Ջիամպիերո Ալբերտիի: Հանդիպման սկզբում Դոն Ջիամպիերո Ալբերտին Ամենայն Հայոց Կաթողիկոսին ներկայացրեց ուխտագնացության նպատակը` ավելի լավ ճանաչել հայ ժողովրդին և նրա ազգային-հոգևոր մշակույթը: Կաթոլիկ քահանան հանդիպման հնարավորության համար շնորհակալություն հայտնեց Ամենայն Հայոց Հայրապետին, ինչպես նաև ուխտավորների սրտակցության և համերաշխության զգացումները փոխանցեց Նորին Սրբությանը Հայոց ցեղասպանության զոհերի հիշատակի օրվա առիթով: Այնուհետև ուխտավորներին իր օրհնությունն ու պատգամը բերեց Ամենայն Հայոց Կաթողիկոսը` շնորհավորելով Տեր Հիսուս Քրիստոսի հրաշափառ Ս. Հարության տոնի կապակցությամբ: Վեհափառ Հայրապետն իր խոսքում մասնավորապես անդրադարձավ Հայ և Կաթոլիկ Եկեղեցիների պատմական առնչակցություններին և ներկայիս ջերմ հարաբերություններին` կարևոր նկատելով միջեկեղեցական ոլորտում գործադրվող ջանքերն ի նպաստ մարդկության կյանքում փոխադարձ սիրո, համերաշխության և գործակցության ամրապնդման: Զրույցի ընթացքում Վեհափառ Հայրապետը մխիթարական նկատեց, որ ապրիլի 24-ին` Հայոց Մեծ եղեռնի հիշատակման օրը, հավատակից եղբայրներն աղոթակից պիտի լինեն իրենց Քույր Եկեղեցուն: Նորին Սրբությունն ընդգծեց, որ հայ ժողովուրդը, ի թիվս պատմության ընթացքում իրեն բաժին ընկած այլ դժվարությունների, իր զորեղ հավատքի շնորհիվ վերապրեց նաև ցեղասպանությունը, ինչը հայ ժողովրդի հոգում մշտավառ է պահում հույսն ու լավատեսությունը, զորացնում է ապրելու կամքը: Հանդիպմանը ներկա էր նաև Մայր Աթոռի Միջեկեղեցական հարաբերությունների բաժնի տնօրեն, Արթիկի թեմի առաջնորդ Տ. Հովակիմ եպիսկոպոս Մանուկյանը: |
Basın sekreteri: †ՀԱՎԱՏԱՄՔ† ԿԵՆՏՐՈՆ
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Arkadaşlarınla paylaş
†ՀԱՎԱՏԱՄՔ† ԿԵՆՏՐՈՆ
18:52, 25.07.2014
5326 | 0
17:57, 25.07.2014
4238 | 0
17:06, 15.05.2024 - Համլետ Մելիքյան
443 | 0
17:27, 16.05.2024 - Համլետ Մելիքյան
411 | 0
14:58, 17.05.2024 - Հասմիկ Կարապետյան
375 | 0
"Basın sekreteri" projesi de yayınlanan tüm gönderiler ücretsiz yayına tabidir ve kayıt sözleşmesi ile düzenlenir.
Diğer web sitelerinden gönderilerin kopyalanmasına, yalnızca kaynağın kullanım koşullarına aykırı olmadığı durumlarda izin verilir.
Web sitesi reklamların içeriğinden sorumlu değildir.