Վարագա լեռը գտնվում է Հայաստանի հնագույն մայրաքաղաք Վանի մոտ: Ավանդության համաձայն՝ որոշ ժամանակ այս լեռան վրա են ապաստանել քրիստոնյա կույսեր Հռիփսիմեն և նրա ընկերուհիները: Հռոմի կայսեր հետապնդումից խուսափելով՝ նրանք եկել-հասել էին Հայաստան և ապաստանել Վարագա լեռան վրա:
Հռիփսիմեն իր պարանոցին միշտ կրում էր Քրիստոսի խաչափայտից մի մասունք:
Նրանց թաքստոցը շուտով բացահայտվում է: Փախուստի դիմելուց առաջ Հռիփսիմեն մասունքը պահում է լեռան ստորոտում գտնվող քարայրերից մեկում: Սակայն մասունքի տեղը հետագայում մոռացվում է: