Պետդումայի ֆինանսական շուկայի հարցով հանձնաժողովի փոխնախագահ Դմիտրի Սավելեւը առաջարկել է վաղաժամկետ ծերության կենսաթոշակ նշանակել այն քաղաքացիներին, որոնց երեխաները մեկը մյուսից մեկ տարվա տարբերությամբ են ծնվել: Համապատասխան օրինագիծն ուղարկվել է կառավարություն, հայտնում է «Իզվեստիան»: Գործող օրենսդրությամբ՝ կենսաթոշակային տարիքը տղամարդկանց համար 60-նն է, կանանցը՝ 55-ը: Ըստ օրինագծի՝ կենսաթոշակային տարիքի իջեցում է նախատեսվում նաեւ որդեգրած երեխաներ ունեցողների համար: Ծնողական իրավունքներից զրկվածների համար իջեցում չի նախատեսվում: Ընդունվելու դեպքում նոր օրենքը կվերաբերի արդեն երեխաներ ունեցող քաղաքացիներին: «Երեխաներ մեծացնող ծնողները հիմնական աշխատանքից բացի լրացուցիչ աշխատանք են կատարում, ինչը պետք է փոխհատուցվի», - կարծում է պատգամավորը: Ըստ նրա՝ օրինագծի նպատակը ժողովրդագրական աճի խթանումն է: |