«Արծիվ մահապարտների միություն» ՀԿ նախագահ, գեներալ-մայոր Ա.Պետրոսյանը մարտի 8-ի՝ կանանց միջազգային համերաշխության օրվա առթիվ շնորհավորելով կանանց ընդհանրապես, և «Արծիվ մահապարտների» զորագնդի կազմում հերոսացած կին մարտիկներին ու զոհված մահապարտների ընտանիքների կանանց՝ մասնավորապես, նշեց, որ վերջիններս մեծարանքի և խոնարհումի են արժանի ամեն օր: Իրենց փխրուն ուսերին առնելով նաև հայրենիքի պաշտպանության, ազգային արժանապատվության և հայ ընտանեկան ավանդույթների պահպանման ու շարունակականության ապահովման ծանր բեռը, նրանք կարողացան ապացուցել, որ մեր երկիրն ու ժողովուրդը իրավունք ունեն, և պարտավոր են ապրել ինքնիշխան, ազատ և բարեկեցիկ հայրենիքում, ամրապնդելով խաղաղությունն ու հաղթահարելով տնտեսական վերելքի ճանապարհի դժվարությունները, հասնել երազելի ապագային: |