Երեխաների պաշտպանության միջազգային օրվա կապակցությամբ Նոր Նորք վարչական շրջանում կազմակերպված միջոցառումներից հերթականը հ.197 հիմնական դպրոցում էր: Հունիսի 1-ի առթիվ կրթօջախում կազմակերպվել էր ուշագրավ տոնակատարություն, որտեղ դպրոցի աշակերտներին, ինչպես նաև ապագա առաջին դասարանցիներին ողջունեցին դպրոցի շնորհալի սաները, գեղարվեստական խմբերն ու հրավիրված մուլտհերոսները: Միջոցառմանը մասնակցում էին նաև Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչներ, ովքեր շնորհավորեցին, խաղաղ ու երջանիկ մանկություն մաղթեցին բոլոր երեխաներին: Հ.197 դպրոցի տնօրեն Ալմաստ Ավետիսյանի նախաձեռնությամբ կազմակերպված միջոցառումը գեղեցիկ տոնի վերածեց մանուկների օրը` պարգևելով նրանց տոնական բարձր տրամադրություն: Նկարները՝ այստեղ |