Երևանի քաղաքապետ Տարոն Մարգարյանի նախաձեռնությամբ մայրաքաղաքի վարչական շրջանների և ՀՀ մարզերի միջև ձևավորված համագործակցության ծրագրի շրջանակում բարեկամություն է հաստատվել Նոր Նորք վարչական շրջանի և Գեղարքունիքի մարզի միջև: Այս համատեքստում Նոր Նորք վարչական շրջանի նախաձեռնությամբ ղեկավարի աշխատակազմի կրթության, մշակույթի և սպորտի, սոցիալական ապահովության, առողջապահության և ծրագրերի բաժինների, Կրթության և գիտության աշխատողների խորհրդային տարածքի արհմիության աջակցությամբ իրականացվել է հերթական ծրագիրը. Նոր Նորք վարչական շրջանի հ.198 ավագ դպրոցի աշակերտները տնօրենի, մանկավարժների և կրթության բաժնի աշխատակիցների ուղեկցությամբ հյուրընկալվել են Վարդենիկ գյուղի կրթահամալիրում: Կրթօջախների 10 և 11-րդ դասարանցիների կողմից ներկայացվել է Հովհաննես Թումանյանի «Սասունցի Դավիթ» պոեմից Դավթի և Մելիքի մենամարտը: Ապա խումբ առ խումբ կազմակերպվել է քննարկում, որի ընթացքում զուգահեռներ են տարվել էպոսի և Ապրիլյան քառօրյա պատերազմի որոշ դրվագների միջև: Աշակերտների վերլուծությունները աչքի են ընկել հայրենասիրական մտածողությամբ, զգացմունքայնությամբ: Հանդիպմանը մասնակցել են Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի գլխավոր մասնագետ Մ․ Խուրշուդյանը, հ.198 ավագ դպրոցի տնօրեն Ա. Թորոսյանը, Արցախյան ազատամարտի մահապարտ զինվորներ Ս. Մաթևոսյանը, Մ. Մարտիրոսյանը, ուսուցիչներ և աշակերտներ: Քննարկմանը հաջորդել է հայրենասիրական դասը, որը վարել է ազատամարտիկ Ս. Մաթևոսյանը: Միջոցառման ավարտին Նոր Նորք վարչական շրջանի ղեկավար Արմեն Ուլիխանյանի կողմից դպրոցին նվիրաբերվել է DVD նվագարկիչ և հուշանվեր: Քննարկվել են առաջիկայում իրականացվելիք համագործակցության ծրագրերի վերաբերյալ մի շարք հարցեր: Դպրոցի աշակերտների համար կազմակերպվել է նաև ճանաչողական շրջայց դեպի Նորադուսի խաչքարերի գերեզմանոց և Հայրավանք: Նկարները` այստեղ |