USD 402.56, EUR 440.64, RUB 4.58, GBP 505.01
+13 °C, +12 °C ... +20 °C Tomorrow:+22 °C
+13 °C, +12 °C ... +20 °C Tomorrow:+22 °C
Բարեկենդանի տոնը Նոր Նորքում
13:55, 01.03.2014
3729 | 0
Նոր Նորք վարչական շրջանում այսօր մեծ շուքով նշվեց հայոց ավանդական ու գեղեցիկ տոներից մեկը՝ Բարեկենդանը: Տոնը գրեթե միշտ կապվել է գարնան գալստի հետ: Պատահական չէ, որ Նոր Նորքում այն նշվեց ձմռան վերջին օրը: Բարեկենդանին մարդիկ մաղթում են միմյանց բարի կենդանություն, այսինքն՝ ուրախություն ու երջանկություն: Նոր Նորքում տոնին միացել էին ուսումնական հաստատություններն ու մշակութային հիմնարկները: Պարային ու երաժշտական կատարումներին զուգահեռ կազմակերպվել էր նաև ձեռարվեստի ու նկարչական աշխատանքների ցուցադրություն՝ Նոր Նորքի մշակույթի, ուսումնամեթոդական և գիտաարտադրական կենտրոնների սաների մասնակցությամբ: Հայ եկեղեցին առանձնակի ճոխությամբ է նշում հատկապես Բուն Բարեկենդանը: Այս տարի Արարատյան Հայրապետական Թեմի նախաձեռնությամբ, Երևանի քաղաքապետ Տարոն Մարգարյանի և Նոր Նորք վարչական շրջանի ղեկավար Արմեն Ուլիխանյանի աջակցությամբ տոնը բացառիկ հնչեղություն ունեցավ: Բարեկենդանին նվիրված միջոցառման ազդարարման պատիվը վերապահված էր Նոր Նորքի Սուրբ Սարգիս եկեղեցուց Վարդան քահանա Մկրտչյանին: Նորնորքցիներին ողջունելու էին եկել հ. 135 դպրոցից Տաթև Ենգիբարյանը, «Էլիտա» հեղինակային դպրոցից Էրիկա Էլբերտը, Նոր Նորքի մշակույթի կենտրոնի, Սարգիս Ասլամազյանի անվան երաժշտական և Հայկանուշ Դանիելյանի անվան արվեստի դպրոցների, «Տորք Անգեղ» մարզամշակութային կենտրոնի գեղարվեստական խմբերն ու անհատ կատարողները: Միջոցառման ընթացքում երգիչ Հայկ Համբարձումյանի կատարմամբ հնչեց երգի պրեմիերա՝ «Գիժ քամի» , որի հեղինակը միջոցառման հաղորդավար Վիգեն Գևորգյանն է, ով Տաթև Հովակիմյանի հետ միասին Բարեկենդանի օրը Նոր Նորքում վերածեց իսկական տոնի: Հայոց ավանդական Բարեկենդանի տոնին հատուկ բարեմաղթանքով բոլորիս ցանկանում ենք բարի կենդանություն: Երջանիկ ու ժպտադեմ եղեք, սիրելի նորնորքցիներ, և թող ձեր օջախներում մշտապես իշխեն սերը, ջերմությունն ու հաջողությունը: Նկարները՝ այստեղ |
Spokesperson: Նոր Նորք վարչական շրջան
The article published in the Spokesperson project.
Share with friends
Նոր Նորք վարչական շրջան
13:09, 06.03.2018
4813 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.