USD 402.56, EUR 440.64, RUB 4.58, GBP 505.01
+17 °C, +13 °C ... +27 °C Tomorrow:+29 °C
+17 °C, +13 °C ... +27 °C Tomorrow:+29 °C
Մեկնարկել է «Արի տուն» 2014թ ծրագիրը:
14:10, 16.06.2014
1753 | 0
Սփյուռքի նախարարությունում, այսօր՝ հունիսի 16-ին, տեղի է ունեցել Սփյուռքի երիտասարդների հայրենաճանաչության «Արի տուն» 2014թ ծրագրի առաջին փուլի բացման արարողությունը: Ծրագրի մասնակիցներին ողջունել եւ բացման խոսքով հանդես է եկել ՀՀ սփյուռքի նախարար Հրանուշ Հակոբյանը: Նա շնորհակալություն է հայտնել երեխաների ծնողներին, ուսուցիչներին, վարչական շրջանների պատասխանատուներին, հյուրընկալ ընտանիքներին, կարեւորեց նրանց դերը «Արի տուն» ծրագրի կայացման գործում: Նախարարը կոչ է արել այս հնարավորությունն առավելագույնս օգտագործել՝ հասակակիցների հետ ընկերանալու, Հայրենիքի հետ կապն ավելի ամրապնդելու համար: Նախարարը հորդորել է լավ սովորել մայրենին եւ հայրենի երկրի պատմությունը, կարեւորեց, որ աշխարհի բոլոր ծայրերում նրանք լինեն գիտելիքներով հարուստ եւ մրցունակ երիտասարդներ: Ավանդույթի համաձայն՝ նախարար Հակոբյանը ծրագրի մասնակիցներից մեկին՝ Թուրքմենստանից ժամանած13-ամյա Սամվել Հայրապետյանին, հագցրել է «Արի տուն» ծրագրի տարբերանշանով վերնաշապիկը եւ գլխարկը: Ելույթով հանդես է եկել եւ ծրագրի կազմակերպիչներին իր շնորհակալական խոսքն ասաց Սուխումի շրջանի Յաշթխուայի թիվ 1. դպրոցի ուսուցչուհի Տիգուշ Հարությունյանը, ով Աբխազիայից ժամանած մասնակիցների խմբի ղեկավարն է: Ծրագրի շրջանակներում մասնակիցները 9 օրվա ընթացքում կծանոթանան Հայաստանի պատմական եւ արդի տեսարժան վայրերին, կունենան բազմաբնույթ հանդիպումներ պետական, հասարակական եւ մշակութային գործիչների հետ, հայրենագիտության դասեր կառնեն Հայրենիքում, կսովորեն ազգային պարեր եւ երգեր: Ծրագրի վերջում ճամբարային 5 օրերը մասնակիցները կանցկացնեն Ծաղկաձորում: Նշենք, որ «Արի տուն» ծրագրի առաջին փուլին մասնակցում են 65 պատանիներ եւ աղջիկներ 5 երկրից: Ծրագրի բացմանը ներկա էին նաեւ հյուրընկալ ընտանիքների անդամներ: |
Author: AAA A
The article published in the Spokesperson project.
Share with friends
AAA A
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.