Նոր Նորք վարչական շրջանում մարտի 24-ին կայացավ հերթական գործակարգավարական խորհրդակցությունը: Նախքան խորհրդակցության մեկնարկը՝ Նոր Նորք վարչական շրջանի ղեկավար Արմեն Ուլիխանյանը Երևանի քաղաքապետ Տարոն Մարգարյանի անունից խորհրդականի պաշտոնը զբաղեցնող Սերգեյ Խալաֆյանին պարգևատրեց Երևան քաղաքի ոսկե մեդալով մայրաքաղաքի զարգացման գործում ունեցած ավանդի և անմնացորդ նվիրումի համար: Վարչական շրջանում տեղի ունեցած պատահարների և թեժ գծով ստացված հարցերի լուծման վերաբերյալ հաղորդումներին հաջորդեցին տարբեր ստորաբաժանումների ներկայացուցիչների զեկուցումները կատարված աշխատանքների վերաբերյալ: Ներկայացվեց, որ ընթացքի մեջ են բարեկարգման, ծառերի սանիտարական էտման, ճյուղերի տեղափոխման, ոռոգման ցանցի շահագործման, փողոցների սանիտարական մաքրման, ապօրինի առևտրի կանխարգելման, թափառող կենդանիների վնասազերծման, համաքաղաքային ծառատունկի նախապատրաստական աշխատանքները: Հանձնարարվեց ամենօրյա այցելություններ կազմակերպել մանկապարտեզներ՝ ուսումնասիրելու երեխաների հաճախումները, սանիտարահիգիենիկ և ջերմային ռեժիմի պահպանումը, սննդի որակի, պիտանելիության ժամկետի ուսումնասիրությունը, ուսումնադաստիարակչական աշխատանքների կազմակերպումը և այլ հարցեր: "Նոր Նորք կանաչապատում" ընկերությանը հանձնարարվեց նախապատրաստական քայլեր իրականացնել շրջանում ծառերի կրապատումը մեկնարկելու ուղղությամբ: Նկարները՝ այստեղ |