Արտենիի թիվ 1 միջնակարգ դպրոցի 6-րդ դասարանի աշակերտների ցանկությամբ ՄԿԱ փոխնօրեն Մ. Հարությունյանը կազմակերպեց ուխտագնացություն - էքսկուրսիա Էջմիածնի Մայր տաճար: Եկեղեցին իր վրա էր կրում ճարտարապետական արվեստի դրոշմը, որն իր վեհությամբ ակնածանք է ներշնչում ուխտագնացներին: Երջանիկ պատահականությամբ եկեղեցու բակում աշակերտները հանդիպեցին Նարեկ սրբազանին, ով աշակերտների հետ զրուցելուց հետո ցանկություն հայտնեց անձամբ առաջնորդել եկեղեցու թանգարան` ծանոթացնելու պատմամշակութային հոգևոր արժեքներին: Տպավորությունը աննախադեպ էր . հոգևոր մասունքներ, խաչեր, ձեռագիր մատյաններ, ոսկեկար գորգեր, դարաբույր խույրեր ու թագեր … Աշակերտները սիրով լսում էին սրբազանի հոգեթավ տեղեկությունները Հայաստանյայց Առաքելական եկեղեցու ավանդույթների, սուրբ նահատակների, եպիսկոպոսական աթոռների պատմությունները: Սրբազանը իր գոհունակությունը հայտնեց աշակերտների ցուցաբերած հետաքրքրությունների և իր առաջադրած հարցերի պատասխանների վերաբերյալ: Ուխտագնացության արդյունքում աշակերտները հոգևոր բավականությամբ, առաքելահաստատ էությամբ հետ վերադարձան: |