Այսօր կառավարության նիստի ժամանակ ՀՀ աշխատանքի և սոցիալական հարցերի նախարար Արտեմ Ասատրյանը ներկայացրեց օրենքի նախագիծ, որով նախատեսվում է «Կանանց և տղամարդկանց հավասար իրավունքների և հավասար հնարավորությունների ապահովման մասին» ՀՀ օրենքում փոփոխություններ կատարելու մասին» օրենքի նախագիծ:

Նախարարը նշեց, որ վերջին շրջանում հասարակության տարբեր շերտեր քննարկում են օրենքում տեղ գտած գենդեր և գենդերային հարաբերություններ եզրույթները, հնչում են մեկնաբանություններ և մտահոգություններ: Որոշվել է լուծում տալ այս խնդրին, այն է` օրենքից հանել գենդեր և գենդերային հարաբերություններ անվանումները:

Ա. Ասատրյանը նաև նշեց, որ ՄԱԿ-ի համապատասխան կոնվենցիան, որը միտված է կանանց հավասար իրավունքների ապահովմանն ու խտրականության բացառմանը կանանց նկատմամբ գենդեր և գենդերային հարաբերություններ բառները չկան:

Հարց է առաջանում, եթե կոնվենցիայում նման եզրույթներ չկային, ինչու՞ են ՀՀ օրենք մշակողները ներառել գենդեր և գենդերային հարաբերություններ անվանումները: