Հարգելի մեսչյանասեր հասարակություն: Բազմաթիվ, մեր համացանցային քայլերից և գործունեությունից հետո, վերջապես տեղի ունեցավ մեսչյանականների առաջին հավաքը Մաշտոցի պուրակում: Տարիներ առաջ, եղել են նման հավաքներ, բայց հիմա ոնց տեսնում եք այլևս չկան նման հավաքներ: Այսօր հավաքվեցինք մեսչյանականներով, ծանոթացանք միմյանց հետ, խոսեցինք, կարծիքների փոխանակում եղավ, քննարկումներ արեցինք: Մի խոսքով ստեղծվում է մեսչյանասեր մի նոր խումբ: Մեր առաջին հավաքի ընթացքում որոշեցինք ստորագրահավաք անցկացնել 2 շաբաթյա ժամկետում: Մեր նպատակը այն է, որ Արթուր Մեսչյանը մենահամերգով հանդես գա, և մենք մասնակից լինենք այդ համերգին: Ուստի այն նպատակով, որ Մեսչյանը տեղեկանա, որ մեծ թվով մարդիկ են ցանկանում ներկա գտնվել իր մենահամերգին, մենք որոշեցինք որպես քայլ հանդես գալ ստորագրահավաքով: Ցանկալի է, որ բոլորս մասնակից դառնանք այդ գործին և ամենքս մեր շրջապատում հավաքենք ստորագրություններ: Ստորագրության թերթիկի օրինակը ներկայացնում ենք ստորև: Յուրաքանչյուրս բազմացնում ենք մի քանի օրինակով և հավաքում ենք ստորագրություններ: Ամենքս պետք է մինիմում 50 ստորագրություն հավաքենք: 2 շաբաթից՝ ՄԱՐՏԻ 29-ԻՆ, ԺԱՄԸ 13: 00-ԻՆ, բոլորով հավաքվում ենք Անգլիական այգում (Հանրապետության հրապարակի մոտ, Կոնգրես հյուրանոցի կողքին) և համխմբում ենք բոլորիս կողմից հավաքված ստորագրությունները: Նաև չենք մոռանում այս իվենտը հրավիրել մեր բոլոր ընկերներին: Շնորհակալություն: