Երևանի քաղաքապետ Տարոն Մարգարյանի նախաձեռնությամբ մայրաքաղաքի վարչական շրջանների և ՀՀ մարզերի միջև ձևավորված համագործակցության ծրագրի շրջանակում բարեկամություն է հաստատվել նաև Նոր Նորք վարչական շրջանի և Գեղարքունիքի մարզի միջև: Այս համատեքստում Նոր Նորք վարչական շրջանի ղեկավար Արմեն Ուլիխանյանի հանձնարարությամբ Սուրբ Զատիկի տոնի կապակցությամբ իրականացվել է հերթական նախաձեռնությունը. աշխատակազմի սոցիալական ապահովության, առողջապահության, ծրագրերի և կրթության, մշակույթի, սպորտի բաժինների ներկայացուցիչները Նոր Նորքի ուսումնամեթոդական, գիտաարտադրական կենտրոնի «Անահիտ» հայկական ժողովրդական գործիքների երգի-պարի համույթի մասնակցությամբ Գեղարքունիքի մարզի Լճաշեն համայնքի մշակույթի կենտրոնում կազմակերպել են համերգային ծրագիր: Ազգային, ժողովրդական երգ ու պարով նորնորքեցիները ողջունել են բարեկամ մարզի բնակիչներին՝ պարգևլով նրանց տոնական բարձր տրամադրություն: Ի նշան բարեկամության՝ Նոր Նորք վարչական շրջանի ղեկավարի աշխատակազմի ներկայացուցիչները վարչական շրջանի ղեկավար Արմեն Ուլիխանյանի անունից Լճաշենի գյուղապետարանին են փոխանցել նաև նվեր DVD նվագարկիչ: Նկարները՝ այստեղ |