Համո Սահյանի 100-ամյակին նվիրված միջոցառումների շրջանակում Նոր Նորքի առաջին զանգվածում գործող Երևանի «Վարդանանց ասպետներ» հ. 106 հիմնական դպրոցում կազմակերպվել էր գրական ցերեկույթ, որին ներկա էին ՀՀ ԿԳՆ կրթության պետական տեսչության պետ Արամ Կարապետյանը, Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչները, մանկավարժներ, ծնողներ և այլ հյուրեր: Միջոցառման ընթացքում աշակերտները գեղեցիկ ասմունքի, թատերական բեմադրության շնորհիվ մարմին ու հոգի հաղորդեցին մեծ պոետի ստեղծագործություններին` հանդիսատեսին տեղափոխելով սահյանական աշխարհ` իր սիրո տառապանքով, իր մարդկային ճակատագրի դժվարություններով, իր մանկության տարիների հիշողությամբ, իր ապրած կյանքի լույս ու ստվերով: Մեծ բանաստեղծի պատվիրաններից մեկն ասում է` «Ինձ բացակա չդնեք», որը ժամանակակից սերունդը փորձում է իրականացնել, հավաստելով, որ իրենք Սահյանին երբեք «բացակա չեն դնի»: Նկարները` այստեղ |