Կարեն Գևորգի Շահինյան
Ծնվել է 07․05․1997 Աբովյան
Զոհվել է 25․09․2015 Արցախ
Կենսագրություն
Կարեն Գևորգի Շահինյանը ծնվել է մայիսի 7-ին Աբովյան քաղաքում։
1997 նոյեմբերին, երբ լրացել էր Կարենի 6 ամսականը, տեղափոխվել են Գյումրի, բնակվել Գյումրիի Կապս գյուղում, որի միջնակարգ դպրոցում է սովորում մինչև 4-րդ դասարան, նորից վերադառնում են Աբովյան։ Կարենը հաճախում է Նիկոլայ Վանյանի անվան, թիվ 5-րդ դպրոցը: Ընտանիքին նվիրված ու աշխատասեր Կարենը 8-րդ դասարանից անցնում է աշխատանքի։ Աշխատում է Աբովյանի հացի փռում, օգնում ծնողներին ամեն հարցով։ Ընկերասեր էր, հասնում էր բոլորին։ 2015 թ․ հուլիսի 28-ին զորակոչվում է ծառայության Արցախի Բանակ։ Օգոստոսի 14-ին հանդիսավոր զինվորական երդումն է տալիս։ 2015․թ․ սեպտեմբերի 25-ին զորավարժանքի ժամանակ հակառակորդը անօդաչու թռչող սարքով ֆիքսում ու ռմբակոծության է ենթարկում զորավարժանքի տարածքը, որի հետևանքով զոհվում է Կարեն Շահինյանը (ծնված 1997թ․) և ծառայության ընկերներ ՝
Նորայր Խաչատրյանը (ծնված1995)
Հարութ Հակոբյանը (ծնված1997)
Ռոբերտ Մկրտչյանը (ծնված1995):
Կարեն Շահինյանը հետմահու Արցախի նախագահի կողմից պարգևատրվում է «Մարտական ծառայություն» մեդալով:
Ամփոփված է Աբովյանի Սարալանջում։
2016թ. դեկտեմբերի 21-ին դպրոցի «ՆԶՊ և անվտանգ կենսագործունեություն» առարկայի կաբինետն անվանակոչվեց դպրոցի նախկին շրջանավարտ, զոհված զինծառայող Կարեն Գևորգի Շահինյանի անունով:
Հավերժ փ'առք հերոսներին
Կենսագրությունը ու լուսանկարները տրամադրեց հերոսի հայրը՝ Գևորգ Շահինյանը