![](https://mamul.am/images/pics/ayl-krvoni-hetevvord-u8481-1.jpg)
Կեսարիայում Կոռնելիոս անունով մի հեթանոս հարյուրապետ կար, որ բարեպաշտ ու աստվածավախ էր, շատ ողորմություններ էր ժողովրդի մեջ և միշտ աղոթում էր: Աստծո հատուկ հայտնությունը եղավ Կոռնելիոսին, որի շնորհիվ նա քրիստոնյա դարձավ: Այսպիսով փրկության համար այլ կրոն դավանողները պիտի քրիստոնեություն ընդունեն: Սա ծայրահեղ հայտարարության պես է հնչում որոշ մարդկանց համար, սակայն այսպիսին է քրիստոնեության պատասխանը: Քրիստոս ասաց. «Ես եմ Ճանապարհը և Ճշմարտությունը և Կյանքը: Ոչ ոք չի գա Հոր մոտ, եթե ոչ Ինձանով»: Նա նաև ասաց. «Ով հավատա և մկրտվի կփրկվի»: Միևնույն ժամանակ կան, օրինակ, բուդդիստներ, ովքեր մտածում են, որ քրիստոնեությունը օտար չէ իրենց հասկացություններին, որովհետև նրանք հաճախ Քրիստոսին համարում են Բուդդայի վերամարմնավորումներից մեկը: Մուսուլմանների համար Քրիստոս մեծ մարգարեներից մեկն է: Դրա համար էլ նրանք չեն արգելում քրիստոնեաներին մուսուլմանական երկրներում եկեղեցիներ շինել: Սակայն քրիստոնեության համար այլ կրոններն ընդունելի չեն: Հետաքրքրական է իմանալ, որ քրիստոնյա դառնալուց հետո Կոռնելիոսը քարոզեց Ավետարանը, հրաշքներ գործեց և վախճանվեց ծեր տարիքում խաղաղ պայմանների մեջ: ՇԱՐՈՒՆԱԿԵԼԻ Աղբյուրը` facebook.com/sseahm |