Հուլիսի 12-ին, ժամը 13: 00-ին «Մխիթար Սեբաստացի» կրթահամալիրի կենտրոնում կկազմակերպվի կլոր սեղան-քննարկում, որին մասնակցելու են Գեղարվեստի ավագ դպրոցի շրջանավարտները, դասավանդող արվեստագետները, կրթահամալիրի տնօրեն Աշոտ Բլեյանը, քոլեջի ղեկավար Նաիրա Նիկողոսյանը: Քննարկվելու են տարբեր հարցեր. ի՞նչ հաջողություն ունեն մեր շրջանավարտ-ուսանողները, ինչպե՞ս են սովորում, ի՞նչ ցուցահանդեսի, ստեղծագործական հավաքի են մասնակցել ուսանելիս, ի՞նչ է տալիս նրանց այդ հաստատություններում ուսանելը, ի՞նչ է ավելացրել կրթահամալիրի արվեստանոցներում ստացածին։ Կներկայացվի նաև կրթահամալիրի քոլեջում իրականացվող լիցենզավորված մասնագիտական կրթությունը` Զարդակիրառական արվեստ, լուսանկարչություն, որտեղ ևս 3 տարի հայտնի արվեստագետների ղեկավարությամբ ուսանելը կարող է 6-ամյա լուրջ կրթություն դառնալ մեր սովորողների համար։ Կլոր սեղանին կարող են մասնկացել բոլորը, հանդես գալ հարցադրումներով: Հասցե` Երևան, Հարավարևմտյան զանգված, Րաֆֆի 57 |