Հայաստանի ազգային հավաքականը, նախապատրաստվելով Տրոմսյոյի համաշխարհային օլիմպիադային, այս օրերին ուսումնամարզական հավաք է անցկացնում Ծաղկաձորում՝ մարզիչ Արշակ Պետրոսյանի գլխավորությամբ:
Հատկանշական է, որ նախորդ տարվա համեմատ, ազգային թիմում, Լևոն Արոնյանից, Սերգեյ Մովսեսյանից, Վլադիմիր Հակոբյանից և Գաբրիել Սարգսյանից բացի, ընդգրկվել է նաև Հայաստանի գործող չեմպիոն Տիգրան Քոթանջյանը։
Նշենք, որ շախմատի համաշխարհային հերթական օլիմպիադան նախանշված է օգոստոսի 1-14-ը, Նորվեգիայում։
Հավելենք, որ Հայաստանի շախմատային ընտրանին օլիմպիադայի եռակի հաղթող է։