«Արծիվ մահապարտների միություն» ՀԿ նախագահ գեներալ-մայոր Աստվածատուր Պետրոսյանի առաջնորդությամբ, ՀՀ ՊՆ «Արծիվ մահապարտների» հատուկ նշանակության զորագնդի մարտիկները, հասարակական կազմակերպության երիտասարդական թևի ներկայացուցիչների մասնակցությամբ ապրիլի 24-ին, Հայոց ցեղասպանության զոհերի հիշատակին խոնարհումի և ոգեկոչման խորհրդանշական երթ էին կազմակերպել Ցեղասպանության թանգարան, Ծիծեռնակաբերդի հուշահամալիր, Եռաբլուր: Նույն օրը հրապարակվել է Արծիվ մահապարտների ուղերձը, որում նրանք կոչ են անում ոչ թե ողբի ու մորմոքի, այլ ոգոկոչման և վերածննդի, թուրքական ժխտողականությանը հակադրելով միասնական կամքը. -Հաշտության ձեռքը կմեկնենք նրանց, ովքեր կուզեն, որ առանց զենքի շունչ ու շառաչի նախնյաց Տուն դառնանք, Հայոց երկիրը կրկին շենացնեք, վերջ տանք մորմոքին, ցավին, բողոքին ու պատերազմին: |