...Երբ համազգային վիշտն է նվում դասասենյակներ, դարերը և աշխարհը պիտի աղաղակեն...Երբեք չպետք է լռի մարդկային խիղճը, որ չկրկնվեն անմարդկային ոճիրները: Հայը սովորել է նայել իր մեծ ցավի աչքերին ու նահանջել տալ նրան, սովորել է ժպտալ կորուստների միջից ու մարտահրավեր նետել անչափելի դաժանությանը: Եկող սերունդները ևս պետք է իրենց ձայնը միացնեն միասնական ըմբոստությանը, որ չհամրանա ուրիշի խղճի ձայնը: Այսօր մեկ սերունդ ևս, հայ սերունդ ցույց տվեց, որ ինքը ապրել գիտի, հուսալ, գնահատել իր ազգային արժեքները, որ իր ժողովուրդը հավերժի ճամփորդ է ու ճշմարտության մունետիկ... Այսպես սկսեց միջոցառում-դասը Սիսիանի ավագ դպրոցի հայոց լեզվի և գրականության ուսուցչուհի Վարդուհի Իվանյանը: 10-րդ դասարանի տնտեսագիտական հոսքում եղեռնի զոհերի հիշատակին նվիրված դաս էր այսօր և աշակերտները մեծ պատասխանատվությամբ, ջանասիրությամբ և լի հույզերով հիասքանչ դաս անցկացրեցին ռեսուրս կենտրոնում: Բոլորը ակամայից հուզվել էին, բոլորին դասը ոգեշնչեց, հավատ և հույս պարգևեց... Շնորհակալություն և' ուսուցչին, և' երեխաներին... |