Հավանաբար, չկա մի աղջիկ երեխա, որ չսիրի օգտվել իր մայրիկի դիմահարդարման միջոցներից: 3-ամյա այս աղջիկը ևս բացառություն չէ, և նրա մայրը որոշել է նրա համար գնել մանկական կոսմետիկա՝ մտածելով, որ դա առավել անվնաս կլինի: Սակայն երբ երեխան առաջին անգամ աչքերին ու շուրթերին քսել է Family Dollar ապրանքանիշի մանկական կոսմետիկան, նրա մոտ ուժգին ալերգիկ ռեակցիա է սկսվել:

Երեխայի մաշկին ցան է առաջացել, շուրթերը ճաքճքել են ու պատվել այտուցներով: Այժմ նա հիվանդանոցում է և պետք է բժիշկների վերահսկողության տակ մնա մեկ շաբաթ:
Նրա մայրը՝ Լինդսին, սոցցանցային իր էջում նախազգուշացրել է բոլոր մայրերին՝ զերծ մնալ նմանատիպ մանկական խաղալիքներ գնելուց, որովհետև դրանք պարունակում են մեծ թվով քիմիական նյութեր, որոնք զգայուն մաշկ ունեցող երեխաների մոտ կարող են առաջացնել լուրջ խնդրներ: