mamul.am
Ամբողջական տարբերակ
USD 483.03, EUR 550.85, RUB 7.23, GBP 617.31
+19 °C, +17 °C ... +29 °C Վաղը`+32 °C
Hay / Հայ | Рус | Eng | Tür
«Երևան» հիմնադրամի տնօրենն ու Դավթաշենի թաղապետի տեղակալը ձերբակալվել են
15:05, 14.06.2018

«Երևան» հիմնադրամի տնօրեն Աշոտ Ղազարյանն ու Դավթաշեն վարչական շրջանի ղեկավարի տեղակալ Խաչատուր Կիրակոսյանը ձերբակալվել են:

Երեկ տեղեկացրել էինք, որ ԱԱԾ-ն հատուկ գործողություններ է իրականացրել Երևանի քաղաքապետարանում: ԱԱԾ-ում հաղորդում էր ստացվել ՀՀ քաղաքացիներ Վ. Գ-ից և Ա. Խ-ից այն մասին, որ Երևանի քաղաքապետարանի պաշտոնատար անձինք, կառուցապատման և գույքի ձևակերպման համապատասխան թույլտվություններ տրամադրելու դիմաց, բացի օրենքով սահմանված վճարումներից, իրենց պարտադրել են «Երևան» հիմնադրամին փոխանցել խոշոր չափերով գումարներ:

Նյութերի նախապատրաստման ընթացքում պարզվել էր, որ վերոնշյալ պատրվակով առձեռն ստացված գումարների մի մասը հիմնադրամի հաշվեհամար չի մուտքագրվել և հափշտակվել է:

Հանցագործության մասին հաղորդումների հիման վրա ՀՀ ԱԱԾ քննչական վարչությունում հարուցվել էր քրեական գործ ՀՀ քրեական օրենսգրքի 308-րդ հոդվածի 2-րդ մասի («Պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ») և 178-րդ հոդվածի 2-րդ մասի 1.1 կետի («Պաշտոնական դիրքն օգտագործելով կատարված խարդախություն») հատկանիշներով:

Երևանի քաղաքապետարանի վարչական շենքում տեղակայված «Երևան» հիմնադրամի աշխատասենյակներում քրեական գործով կատարվել էին խուզարկություններ:

Տեղեկացրե՛ք Ձեր մտերիմներին
| |
դեպի վեր