+20 °C, +16 °C ... +28 °C Վաղը`+28 °C
ՌԴ ԱԳՆ ղեկավար Սերգեյ Լավրովը ՄԱԿ-ի գլխավոր քարտուղար Անտոնիու Գուտերեշի հետ համատեղ մամուլի ասուլիսի ժամանակ պատասխանել է ադրբեջանցի լրագրողի՝ Լեռնային Ղարաբաղի հարցով ՄԱԿ-ի կողմից ընդունված 4 բանաձևերի մասին հարցին: «Ինչպես հասկացա, ձեզ հետաքրքրում է Լեռնային Ղարաբաղի հակամարտության կարգավորման հարցը: Բանաձևերն ընդունվել են մարտական գործողությունների ընթացքում: Դրանք թույլ են տալիս դադարեցնել արյունալի իրավիճակն ու կողմերին քաղաքական երկխոսության բերել: Բոլորի համաձայնությամբ ստեղծվել է ԵԱՀԿ Մինսկի խումբը, որի շրջանակներում համաձայնություն է ձեռք բերվել լուծել բոլոր մնացած հարցերը, ներառյալ՝ տարածքների ազատագրումն ու քաղաքական կարգավորումը՝ Լեռնային Ղարաբաղի կարգավիճակի վերջնական որոշման ճանապարհով»,- ասել է Լավրովը: Միևնույն ժամանակ, նա ընդգծել է, որ Ռուսաստանը՝ ԱՄՆ-ի և Ֆրանսիայի հետ՝ որպես ԵԱՀԿ Մինսկի խմբի համանախագահող երկրներ, Երևանի և Բաքվի համաձայնությամբ աշխատում է առաջադրված խնդիրների լուծման ուղղությամբ: Եվ դրա համար, ըստ Լավրովի, անհրաժեշտ է փոխհամաձայնություն հակամարտող կողմերի միջև: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am