Ճապոնիայում ջրհեղեղների հետևանքով զոհերի թիվն աճել է՝ հասնելով 216-ի, հաղորդում է Kyodo News-ը: Ավելի վաղ հայտնի է դարձել 209 զոհի մասին: Ամենից շատ զոհեր են գրանցվել Հիրոսիմայում (106 մարդ), Օկայամայում (60 մարդ) և Էհիմեում (26 մարդ): NHK հեռուստաալիքի տեղեկություններով՝ ևս 3 մարդ գտնվում է անգիտակից վիճակում: Անցած շաբաթ տեղատարափ անձրևներ էին սկսվել երկրի հարավ-արևմտյան և կենտրոնական հատվածներում: Որոշ հատվածներում հունից դուրս եկած գետերը ողողել էին զգալի տարածքներ: |