Նիկոլ Փաշինյանը հանրահավաքի ժամանակ ուշագրավ բացահայտում հնչեցրեց.
«Ապօրինի հարստացման մասին օրենքն ուժի մեջ կմտնի ու
ֆորմալ առումով դրանից առաջ թալանվածը վերադարձնելու հետ կապված կարող են բարդություններ ծագել: Օրինակ՝ ՀՀ շատ բարձրաստիճան պաշտոնյայի հարազատ եղբոր միայն մեկ հաշվեհամարում 30 միլիոն դոլար է եղել, սա ընդամենը մեկ հաշվեհամարում: Այդ հաշվեհամարում այդ 30 միլիոն դոլարը որ կա, այսօրվա ֆորմալ օրենքների տեսակետից չափազանց դժվար է դրա հետ կապված քննություն կազմակերպելը, քանի որ նա ֆորմալ առումով պետական պաշտոնյա երկար տարիներ չի եղել և հայտարարագիր չի ներկայացրել: Գումարն առգրավելու համար դժվարություններ կան, և մենք լրջորեն պետք է մտածենք անցումային արդարադատության նոր մարմիններ կառուցելու մասին: Սա հանկարծ չշփոթեք արտակարգ դատարանների հետ: Շատ երկրներ անցել են այդ ճանապարհը և միջազգային հանրությունը ողջունում է անցումային արդարադատության պրակտիկան»,- շարունակեց վարչապետը: