+16 °C, +16 °C ... +29 °C Վաղը`+28 °C
ԱՄՆ ընտրյալ նախագահ Դոնալդ Թրամփը հարցազրույց է տվել The Times of London և Bild պարբերականներին`անդրադառնալով Ռուսաստանի հետ հարաբերություններին: Նա կտրուկ քննադատության է ենթարկել ԱՄՆ դեռևս գործող նախագահ Բարաք Օբամայի վարչակազմի վարած արտաքին քաղաքականությունը: Թրամփը նշել է, որ իր պաշտոնավարման ընթացքում ՌԴ նախագահ Վլադիմիր Պուտինին կառաջարկի չեղարկել Ղրիմի միացման պատճառով սահմանված հակառուսական պատժամիջոցները, սակայն դրա փոխարեն Մոսկվան պետք է կրճատի միջուկային զինանոցը: «Ռուսաստանի դեմ սահմանված պատժամիջոցներ կան, եկեք փորձենք այդ երկրի հետ համաձայնության գալ: Կարծում եմ՝ դրա շրջանակում նախևառաջ պետք է աստիճանաբար կրճատել միջուկային զինանոցը: Ներկայում Ռուսաստանը մեծ վնասներ է կրում պատժամիջոցների պատճառով, բայց, ըստ իս, այս հարցում կարող է փոփոխություն լինել, որից շատ մարդիկ կշահեն»,- ասել է Թրամփը: Հիշեցնենք, որ Օբաման պաշտոնը լքելուց առաջ ևս 1 տարով երկարաձգել է 2014թ. Ղրիմի պատճառով սահմանված հակառուսական պատժամիջոցները: Հայտնի է, որ Միացյալ Նահանգներն ու Ռուսաստանն աշխարհի խոշորագույն միջուկային տերություններն են: Պետդեպի տվյալներով՝ ԱՄՆ-ն ռազմավարական հրթիռների ու ռումբերի վրա ունի 1.367 միջուկային մարտագլխիկ, իսկ Ռուսաստանը՝ 1.796: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am