«Համախմբում» կուսակցության մամուլի ծառայությունը հայտնում է, որ քիչ առաջ տեղի է ունեցել ՀՀ պաշտպանության նախկին նախարար Սեյրան Օհանյանի և «Համախմբում» կուսակցության նախագահ Վարդան Օսկանյանի հանդիպումը։ Քննարկվել են ներքին և արտաքին քաղաքականությանը, ինչպես նաև առաջիկա խորհրդարանական ընտրություններին վերաբերող հարցեր։
Տեղեկացնենք, որ Սեյրան Օհանյանը ֆեյսբուքյան էջում հայտարարությամբ էր հանդես եկել, մասնավորապես տեղեկացնելով, որ շարունակում է քաղաքական խորհրդակցությունները կուսակցությունների, հասարակական կառույցների հետ` «ձևավորելով համախոհների թիմ՝ միաձույլ դաշինք, որը հանրությանը կներկայացնի իրատեսական ծրագիր և մեր երկիրը ստեղծված իրավիճակից դուրս բերելու ճանապարհային քարտեզ»: