Հարավկորեական Samsung ընկերությունը ներկայացրել է առաջին ձգվող OLED էկրանը: Ընկերությունն ընդգծել է, որ այդպիսի էկրանի կրկնօրինակն այժմ գոյություն չունի:
Samsung-ն իր նորույթը կներկայացնի SID 2017 ցուցահանդեսի ժամանակ, որը մեկնարկում է այսօր` Լոս Անջելեսում: Սպասվում է, որ կներկայացվի էկրանի 9.1 դյույմանոց տարբերակը: Էկրանին սեղմելու դեպքում այն կարող է ձգվել 12 միլիմետր ու վերադառնալ նախնական վիճակին` առանց վնասվելու:
Ի տարբերություն ճկվող էկրանների` Samsung-ի ձգվող էկրանը կարող է ձևափոխվել միաժամանակ մի քանի ուղղություններով: