+32 °C, +17 °C ... +32 °C Վաղը`+35 °C
ԱՄՆ նախագահ Դոնալդ Թրամփի վարչակազմը հաստատել է ԱՄՆ մուտքի արտոնագրերի համար դիմողների համար նոր հարցաթերթը, որը ներառում է մի շարք նոր կետեր: Մասնավորապես, խստացված կանոնների համաձայն, մուտքի արտոնագրի համար դիմողներից կարող է պահանջվել տրամադրել վերջին հինգ տարվա ընթացքում սոցիալական ցանցերի էջերը և 15 տարվա վաղեմության կենսագրական տվյալներ, հայտնում է Reuters-ը: Չնայած հանրային քննարկումների ժամանակ հնչեցված քննադատությանը՝ մայիսի 23-ին նոր կանոնները հաստատվել են: Քննադատները պնդում են, որ նոր հարցերը չափազանց ծանրաբեռնող կլինեն, դրանց հետևանքով կերկարի տվյալներն ուսումնասիրելու գործընթացը, և դա բացասաբար կազդի ուսանողների և գիտնականների՝ Միացյալ Նահանգներ այցելելու ցանկության վրա: Նոր ընթացակարգի համաձայն՝ հյուպատոսական աշխատակիցները կարող են պահանջել բոլոր նախկին անձնագրերի համարները, հինգ տարվա ընթացքում ունեցած սոցիալական ցանցերի էջերը, էլեկտրոնային փոստի հասցեները և հեռախոսահամարները, ինչպես նաև 15 տարվա կենսագրական տվյալներ՝ ներառյալ հասցեներ, աշխատանքի և կատարած ճանապարհորդությունների մասին տեղեկություններ: Չնայած նոր հարցերի վերաբերյալ տեղեկատվություն տրամադրելը կամավոր է, այդուհանդերձ, հնարավոր է՝ անհրաժեշտ տվյալներ չհայտնելու դեպքում ուշացվի կամ ընդհանրապես մերժվի մուտքի արտոնագրերի տրամադրումը: Ինչպես հայտարարել է Պետքարտուղարության ներկայացուցիչը, պաշտոնյաներն այդ լրացուցիչ տեղեկությունները կպահանջեն, եթե որոշեն, որ «այդ տեղեկությունն անհրաժեշտ է ինքնությունը հաստատելու կամ ազգային անվտանգությանն առնչվող ավելի խիստ ստուգում իրականացնելու համար»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am