+32 °C, +17 °C ... +32 °C Վաղը`+35 °C
Ֆիլիպինների մայրաքաղաք Մանիլայում զինված տղամարդը ներխուժել է Resorts World Manila ժամանցային համալիրում գործող խաղատուն և անկանոն կրակ բացել ներկաների ուղղությամբ։ Հարձակման հետևանքով զոհվել է առնվազն 36 մարդ: Reuters-ը հայտնում է, որ հարձակման պատասխանատվությունն ստանձնել է ԴԱԻՇ ահաբեկչական խմբավորումը, սակայն երկրի նախագահ Ռոդրիգո Դուտերտեի խոսնակ Էռնեստո Արաբելան հայտարարել է, որ կատարվածն ահաբեկիչների ձեռքի գործը չէ, այլ գողության փորձ: Արաբելայի խոսքով՝ իշխանությունները դեռևս որևէ ապացույց չունեն, որ հարձակումը կապ ունի երկրի հարավում գլուխ բարձրացրած իսլամիստ գրոհայինների հետ: Ոստիկանության փոխանցմամբ՝ սպանվածները գտնվել են խաղատան գլխավոր խաղասրահում: Նշվում է, որ սպանվածներից 13-ն աշխատողներ են, մնացածն՝ այցելուներ։ Տուժածների թիվը հասնում է 54-ի: Հաղորդվում է, որ ավելի ուշ իրավապահները հյուրանոցային համարներից մեկում հայտնաբերել են հարձակվողի այրված դին: Հավանաբար, նա իր վրա բենզին է լցրել ու ինքնահրկիզվել: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am