ԱՄՆ նախագահ Դոնալդ Թրամփը ՄԱԿ-ի Գլխավոր վերհաժողովի շրջանակներում Նյու Յորքում հանդիպում է ունեցել Թուրքիայի նախագահ Ռեջեփ Էրդողանի հետ: Վերջինին նա իր ընկեր է անվանել ու հայտարարել, որ Միացյալ Նահանգների ու Թուրքիայի հարաբերություններն այժմ ավելի լավ են, քան երբևէ: Երկու երկրների նախագահների առանձնազրույցը տևել է մոտ 50 րոպե: Նրանք խոսել են Մերձավոր Արևելքում տիրող իրադրության ու մասնավորապես՝ Իրաքյան Քուրդիստանում սպասվելիք անկախության հանրաքվեի շուրջ: Հիշեցնենք, որ թուրք-ամերիկյան հարաբերությունները լարվել են այս տարվա մայիսի 16-ին տեղի ունեցած միջադեպից հետո, երբ Վաշինգթոնում Թուրքիայի դեսպանատան մոտ բախումներ էին տեղի ունեցել ցուցարարների ու Էրդողանի թիկնապահների միջև: Էրդողանի թիկնապահներին մեղադրանք էր ներկայացվել: |