Եթե Թուրքիան և Ռուսաստանը С-400 զենիթահրթիռային համակարգերի համատեղ արտադրության շուրջ համաձայնության չհասնեն, ապա Անկարան կարող է հրաժարվել դրա գնումից: Այս մասին Aksam թերթի հետ զրույցում ասել է Թուրքիայի արտաքին գործերի նախարար Մևլյութ Չավուշօղլուն:
«Մենք այդ թեմայով պաշտոնական որևէ մերժում չենք ստացել: Պուտինն ինքն է մեզ ասել, որ մենք կարող ենք համատեղ արտադրության համար քայլեր ձեռնարկել: Սակայն եթե Ռուսաստանը բացասական վերաբերմունք ցուցաբերի, ապա մենք կարող ենք համաձայնագիր կնքել մեկ այլ երկրի հետ»,- ասել է Չավուշօղլուն:
Միևնույն ժամանակ Չավուշօղլուն С-400-ների ձեռքբերումը հրատապ է անվանել՝ նշելով, որ Թուրքիան զենիթահրթիռային նման համակարգերի պահանջ ունի՝ սեփական օդային տարածքը պաշտպանելու համար:
Ավելի վաղ ԶԼՄ-ները հայտնել էին, որ Թուրքիան դեռևս հետաքրքրված է ԱՄՆ-ից Patriot հակահրթիռային համակարգերի գնմամբ: