Թուրքիայի ԱԳՆ է կանչվել Անկարայում ԱՄՆ դեսպանատան աշխատակից Ֆիլիպ Քոսնեթը՝ երկու երկրների միջև վիզաների տրամադրման հետ կապված կոնֆլիկտի պատճառով: Այս մասին հայտնում են թուրքական ԶԼՄ-ները՝ հղում անելով Անկարայի դիվանագիտական աղբյուրներին:
Նրանց տվյալներով՝ դիվանագետը տեղեկացվել է այդ հարցով Անկարայի որոշման մասին: Քոսնեթին հետ զրույցի ընթացքում նշվել է երկու պետությունների միջև հարաբերություններում լարվածություն առաջացնելու միջոցներից հրաժարվելու անհրաժեշտությունը: Թուրքական լրատվամիջոցները նշում են, որ Քոսնեթը կանչվել է ԱԳՆ, քանի որ ամերիկյան դիվանագիտական առաքելության ղեկավար Ջոն Բասն Անկարայում չէր: