Վանա լճի ընդերքում շուրջ 3000 տարվա պատմություն ունեցող ամրոց է հայտնաբերվել: Այս մասին հայտնում է Hurriyet լրատվականը: Հայտնաբերված ամրոցը պատկանում է ուրարտական ժամանակաշրջանին, լրագրողների հետ հանդիպման ժամանակ ասել է Վանի «Յուզունջու Յըլ» համալսարանի ջրային հետազոտությունների ֆակուլտետի դասախոս, պրոֆեսոր Մուսթաֆա Ակքուշը: Շուրջ 600 000 տարվա պատմություն ունեցող Վանա լճի մակարդակը պատմական որոշակի ժամանակահատվածում իջել է, ինչի արդյունքում մարդիկ, ջրի ափին հիմնվելով, կառուցել են տարբեր շինություններ: Սակայն ավելի ուշ, երբ ջրի մակարդակը նորից բարձրացել է, բնակչությունը ետ է քաշվել, իսկ նրանց թողած քաղաքակրթական հետքերը մնացել են ջրի տակ, բացատրել է պրոֆեսորը: Նա նաև ավելացրել է, որ քանի որ Վանա լճի ջուրը աղի է՝ ամրոցի պատերը հիանալի կերպով պահպանվել են ջրի տակ և չեն վնասվել: |