Պերուում վթարի ենթարկված ավտոբուսի զոհերի թիվը հասել է 48-ի, հայտնում է Comercio-ն՝ հղում անելով տեղի իրավապահներին:

Դեպքը տեղի էր ունեցել Լիմայից 70 կմ հեռավորության վրա` «Սատանայի շրջադարձ» կոչվող հատվածում, երբ ավտոբուսը մոտ 100 մետր բարձրությունից ընկել էր ձորը: Պերուի տրանսպորտի նախարարը թվիթերյան իր էջում գրել է, որ նախնական տվյալներով, վթարի պատճառն ավտոբուսի և տրակտորի բախումն է, 2 փոխադրամիջոցն էլ մեծ արագությամբ են ընթացել:

Ավտոբուսում ավելի քան 50 ուղևոր է եղել: