ԱՄՆ նախագահ Դոնալդ Թրամփը լավ նորություն է անվանել Հյուսիսային Կորեայի առաջնորդ Կիմ Չեն Ինի կողմից միջուկային փորձարկումները դադարեցնելու մասին որոշումը: Նա Twitter-ի իր էջում գրառում է կատարել. «Հյուսիսային Կորեան համաձայնել է դադարեցնել միջուկային բոլոր փորձարկումներն ու փակել փորձարկումների անցկացման խոշոր վայրը: Դա լավ նորություն է Հյուսիսային Կորեայի և աշխարհի համար: Մեծ առաջընթաց: Սպասում ենք մեր գագաթնաժողովին»: Նշենք, որ Հս. Կորեայի առաջնորդն ավելի վաղ հայտնել էր երկրի հյուսիսում գտնվող Պունգերի հրաձգարանը փակելու և միջուկային բոլոր փորձարկումները դադարեցնելու որոշման մասին:
|