«Սկսվում է նոր դարաշրջան, նոր պատմություն»,- նման գրառում է թողել Հյուսիսային Կորեայի առաջնորդ Կիմ Չեն Ինը «Խաղաղության տուն» ողջույնի գրքում՝ Հարավային Կորեայի առաջնորդ Մուն Չժե Ինի հետ բանակցություններից առաջ: Սա 1953-ի պատերազմից հետո Հյս Կորեայի առաջնորդի առաջին այցն է: Բանակցությունների գլխավոր թեման կդառնա երկու պետությունների հարաբերությունների բարելավումն ու Կորեական թերակղզում ռազմական լարվածության թուլացումը: «Հուսով եմ, որ հանդիպման ընթացքում մենք իրական արդյունքի կհասնենք և կկարգավորենք հարաբերություններն, ինչն անգնահատելի նվեր կլինի ոչ միայն մեր քաղաքացիների, այլ բոլոր նրանց համար, ովքեր խաղաղություն են ցանկանում»,- ասել է Մուն Չժե Ինը: |