ԱՄՆ-ի Քալիֆորնիա նահանգի Հարավային շրջանային դատարանը կասեցրել է անօրինական ներգաղթյալների երեխաների բաժանումն իրենց ընտանիքներից, հաղորդում է CNN-ը: Որոշման համաձայն՝ ԱՄՆ-ի միգրացիոն ծառայության աշխատակիցները պետք է դադարեցնեն Միացյալ Նահանգների սահմանին անօրինական ներգաղթյալների երեխաների բաժանումն իրենց ընտանիքներից: Միգրացիոն ծառայությունը պարտավոր է նաև ծնողներին վերադարձնել ԱՄՆ-ի տարածքում ձերբակալված բոլոր երեխաներին: Ավելի վաղ հայտնի է դարձել, որ միգրացիոն քաղաքականության պատճառով ԱՄՆ-ի 17 նահանգ նախագահ Դոնալդ Թրամփի դեմ դատական հայց է ներկայացրել: |